LA Times тілшісі Головкиннің алдағы кездесу туралы соңғы жаңалықтармен бөлісті

Los Angeles Times тілшісі Лэнс Пагмайер өзінің твиттер парақшасында қазақстандық боксшы Геннадий Головкиннің 5-мамырға жоспарлаған кездесуі туралы соңғы жаңалықтармен бөлісті, деп хабарлайды Vesti.kz порталы. 

"Геннадий Головкиннің жекпе-жегіне қатысты тың жаңалықтар. Гэри О'Салливанға қарсы белбеулерін StubHubCenter спорт кешенінде қорғау бойынша ақылы жүйе (PPV) арқылы емес, қарапайым телеарна арқылы көрсету туралы келіссөз жүріп жатыр", - деп жазды Пагмайер. 

The @GGGBoxing news moving fast today. Developments happening to place title defense vs. @spike_osullivan on regular @HBO, non-PPV, at @StubHubCenter in progress.

— Lance Pugmire (@latimespugmire) 9 апреля 2018 г.

Айта кетейік, StubHub Center - Лос-Анджелестегі 27 мың жанкүйерге арналған футбол стадионы. Мұнда "Лос-Анджелес Гэлакси" командасы өз ойындарын өткізеді. Қазіргі уақытта бұл клубтың сапында шведциялық шабуылшы Златан Ибрагимович өнер көрсетеді. Спорт кешені 2003 жылы ашылып, осы уақытқа дейін 19 бокс кешін қабылдаған. Соңғысы бокс кеші мұнда 10-наурыз күні өтті.

Головкиннің 5-мамырдағы жекпе-жегі Лас-Вегастан басқа қалада өтуі мүмкін

Головкиннің келесі кездесуі 5-мамыр күні Лас-Вегастағы MGM спорт кешенінде өтеді деп жоспарланған. Боксшы жекпе-жек өткізуге Невада штатының Атлеттер комиссиясының (NSAC) рұқсат алып қойған.

Головкин карьерасында үш рет Калифорнияда жұдырықтасқан. Тарқатып айтсақ, 2012, 2015 және 2016 жылдары. Бұл кездесулерде оның қарсыластары мексикалық Марко Антонио Рубио, америкалыұ кіші Вилли Монро және Доминик Уэйд болған. Бұл боксшылардардың барлығын отандасымыз нокаутпен жеңген.

Негізі әу баста Головкин 5-мамыр күні Лас-Вегастағы T-Mobile спорт кешенінде мексикалық Сауль "Канело" Альвареспен жұдщырықтасуы керек болатын. Бірақ ақпан айында мексикалық боксшының қанынан кленбутерол дәрумені табылып, NSAC оны уақытша жекпе-жектерден шеттетті. Кейіннен "Канелоның" өзі жекпе-жектен ресми түрде бас тартты. Енді оның ісіне байланысты қаралым 18-сәуірде өтеді. Егер бұл жиын барысында оның допинг қолдандағы расталатын болса, ұзақ уақытқа спорттан шеттетілуі ықтимал.

Эрисланди Лараны жеңген америкалық боксшы Головкинмен кездесуге дайын екенін айтты

Қазіргі уақытта отандасымызбен кездесу өткізуге бірнеше боксшы дайын екенін айтты. Олардың қатарында америкалық боксшылар Джермалл Чарло, Деметриус Андраде, украиналық Сергей Деревянченко, ирландиялық Гэри О'Салливан, бразилиялық Ямагучи Фалькао, екінші орта салмақтағы WBO чемпионы Хильберто Рамирес және кіші Хулио Сезар Чавес бар.

Сондай-ақ "Канело" жекпе-жектен бас тартқаннан соң Сондерс те Головкинді жекпе-жекке шақырды. Ол қазақстандық боксшыны барлық белбеу үшін жекпе-жек өткізуді ұсынды.

Головкинмен кездесуге ережесіз жекпе-жек өкілі де дайын екен. Нақтырақ айтатын болсақ, отандасымызды UFC болашақ жұлдызы Брайан Ортега айқасқа шақырды.