"Манчестер Юнайтедтің" бұрынғы футболшысы Қазақстан чемпионаты мен Өзбекстан чемпионатын салыстырды
Андрей Канчельскис. Сурет: РИА Новости/Евгений Биятов©
Ресейлік маман Андрей Канчельский футболдан Қазақстан чемпионаты мен Өзбекстан чемпионатының деңгейі туралы ойымен бөлісті. Оның ойынша, Өзбекстан біріншілігі шамалы мықты екен.
"Ресей мен Украина чемпионаттарынан кейін Өзбекстан мен Қазақстан үшінші орында тұр. Тіпті мен Өзбекстан чемпионатының деңгейі жоғары деп айтар ем. Себебі, ол жақта Қазақстанға қарағанда бірнеше команда чемпиондыққа таласады", - деді Канчельскис "Дай Ударить" телеграмм каналына берген сұқбатында.
51 жастағы Канчельский кезінде Киевтің "Динамо", донецкілік "Шахтер", ағылшындық "Манчестер Юнайтед", "Эвертон", "Манчестер Сити" және басқа командаларда ойнаған. Ресей құрамасында ол 36 кездесу өткізіп, төрт гол соққан.
Бапкер ретінде ол "Торпедо-ЗИЛ", "Уфа", "Волга" және "Солярис" командаларының бас бапкері болған. Өзбекстан біріншілігінде "Навбахор" командасын жаттықтырған.