Бүгін футболдан премьер-лига командалары арасындағы Қазақстан чемпионатының жаңа маусымы басталды.
Бүгін, маусымның алғашқы ойыны 14.30-да жеті рет Қазақстан чемпионы болған «Астана» мен ҚПЛ-ге биыл көтерілген «Жеңіс» арасында өтеді.
Ал 17.00-де «Қайсар» (Қызылорда) мен «Ақтөбе» жасыл алаңға шығады.
2 наурызда «Қайрат» (Алматы) пен «Қызылжар» (Петропавл), «Елімай» (Семей) мен «Атырау», «Ордабасы» (Шымкент) мен «Шахтер» (Қарағанды), «Тобыл» (Қостанай) мен «Тұран» (Түркістан) матчтері өтеді.
Матчтердің трансляциясын «Qazsport», «Qsport» және жаңа «Qfootball» телеарналары тікелей көрсетеді.