Коронавирус? "Қайсар" футболшылары температурамен жатып қалды
Сурет "Қайсар" клубының сайынан алынды
"Қайсардың" бірнеше футболшысы коронвмрус жұқтырып алуы мүмкін, деп хабарлайды спорт тілшісі әрі инсайдер Айдын Қожахмет.
Футболшылар COVID-19-қа қайта тест тапсырады.
"Қақпашы Марсель Исламқұлов, қорғаушылар Александр Марочкин, жартылай қорғаушы Марк Гурманның температурасы және вирустың барлық симтомдары бар. Одан бөлек, Иван Граф Хорватиядан келе алмауда. Ол да ауырып жатыр", - дейді Қожахмет.
Бұған дейін Болгариядан оралған қызылордалық команданың бас бапкері Стойчо Младенов пен оның көмекшілері депортациялуға жақын қалып, Қызылордаға әрең жетті.
Футболдан ел біріншілігі 1 шілде күні жалғасады. Ойындар жанкүйерсіз арнайы медициналық талаптар бойынша өтеді.