Қазақстан чемпионатындағы трансферлік терезе қашан ашылады?
Қазақстан Премьер-лигасындағы бірінші трансферлік кезеңнің қашан ашылатыны белгілі болды.
ҚФФ Атқару комитеті бірінші трансферлік кезеңінің мерзімін 2021 жылдың 25 қаңтарынан 17 сәуіріне дейін белгілеу туралы шешім қабылдады. Осыған дейін, әдетте, қысқы трансфер терезесі 3 сәуірде жабылатын еді.
"Маусымның бірінші трансферлік кезеңіне қатысты шешім дәстүрлі түрде қабылданды және арнайы түсініктемелерді қажет етпейді. Әрине, аталған мерзім еш өзгеріссіз қалады", - деді Қазақстан футбол федерациясының бас хатшысы Азамат Айтхожин.