"Қайрат" тәлімгері Қазақстан біріншілігінде бес рет чемпион болған команданың тізгінін ұстауы мүмкін
Әли Әлиев. Сурет "Қызыл-Жар СК" сайтынан алынды.
"Ақтөбе" командасының жаңа бас бапкері қызметіне Қазақстан құрамасының бұрынғы жартылай қорғаушысы және "Қызыл-Жар СК" командасының бұрынғы бапкері Әли Әлиев тағайындалуы мүмкін.
39 жастағы Әлиев "Қайрат" командасының тәлімгері. Алматылық ұжымнан бөлек, ол Қазақстанның және шет елдік бірнеше командалардың намысын қорғаған. Қазіргі уақытта ол жұмыссыз жүр. "Ақтөбе" болса керісінше бас бапкер іздестіріп жатыр.
Қазақстан чемпионатында бес мәрте топ жарған "Ақтөбе" командасы биыл Бірінші лигада өнер көрсетіп жатыр. Команда биылдың өзінде екі бапкерді қызметінен босатты.
Ақпан айында ұжымды ресейлік Владимир Маминов жаттықтырып еді. Бірақ алғашқы оқу-жаттығу жиындарынан кейін ол қызметінен кетті. Кейін оның орнына Алексей Петрушин келді.
Бұл ресейлік бапкердің бастамасымен "Ақтөбе" Бірінші лигада үш кездесу өткізіп, бір кездесуде жеңіске жетіп, екі кездесуде тең ойнады. Содан соң Петрушин де екі жақты келісім бойынша қызметінен кетті.
Бірінші лиганың бірінші айналымының қорытындысы бойынша "Ақтөбе" командасы 14 ұпаймен көш бастап келеді.