Футболдан Қазақстан чемпионатының мәресіне қашан жететіні белгілі болды,- деп хабарлайды
Vesti.kz тілшісі.
Бұған дейін Қазақстан чемпионаты желтоқсан айында аяқталуы мүмкін деген ақпарат шыққан еді. Бірақ ішкі біріншіліктегі көптеген командалардың футболшылармен келісімшарттары қарашаның соңында бітеді. Ал журналист Айдын Қожахметтің ақпараты бойынша, көптеген командалар футболшылармен тағы бір айға келісімшарт жасауға шамалары келмейді екен.
Сондықтан да клубтар жуық арада ҚФФ тарапынан қалған турлардың қалай өтетіні туралы ақпарат алған.
Ол жоспар бойынша қараша айында ҚПЛ-де үзіліс болады. Өйткені келесі айда Қазақстан құрамасы Ұлттар лигасында ойнайды. Біздің ұжым 11 қараша күні Черногория құрамасына қарсы жолдастық кездесу өткізсе, 15 және 18 қараша күндері Албания мен Литва құрамаларымен кездеседі.
Бірақ ол үзіліске дейін ішкі біріншіліктің үш туры өтеді. Тарқатып айтсақ. 16-тур (30, 30 қазан\(, 17-тур (3 және 4 қараша), ал 18-тур (7-8 қараша) өтеді.
Қалған турларды командалар ұлттық құрамаға берілген үзілістен кейін ойнайтын болады.
Айта кетейік, коронавирус пандемиясына байланысты биыл ҚПЛ ойындары 11 турға қысқарды. Негізі 33 тур болуы керек еді. Қазір 22 тур болатын болды.
Дәл қазіргі уақытта турнир кестесінің көшбасында "Қайрат" командасы келе жатыр. Алматылық команданың еншісінде 38 ұпай бар. Ал "Астана" және "Ордабасы" командаларында 27 ұпай.