Головкин Сондерстің орнына World Boxing Super Series жобасының жеңімпазымен кездеседі ме?

©:boxingscene.com

Boxingnewsandviews.com порталының шолуышысы Ниалл Доран өзінің материалында WBA (Super), IBO, WBC және IBF тұжырымдары бойынша әлем чемпионы Геннадий Головкиннің (37-0-1, 33 КО) салмақ дәрежесін ауыстырып, World Boxing Super Series жобасының жеңімпазымен кездесуі қаншалықты мүмкін екенін анықтап көрді.

Бұған дейін қазақстандық боксшының промоутері Том Леффлер Головкиннің World Boxing Super Series жобасының жеңімпазымен кездесуі мүмкін екенін айтып қалды. Бірақ бұл кездесу өтетін болса, тек жылдың соңында ұйымдастырылатынын атап өтті промоутер.

"Головкин мен "Канелоның" командалары келіссөздердің соңғы кезеңіне жетіпті. Жекпе-жек мамырда өтетін шығар. Бірақ қазақстандық боксшының командасы қазірдің өзінде тағы басқа қарсылас іздестіріп жатыр.

Ал Бүкіләлемдік бокс суперсериясы бірінші жылы ұйымдастырылып жатыр. Ал Головкин болса бұл жобаның жеңімпазымен жекпе-жек өткізуге қызығушылық білдіріп отыр.

Джордж Гроувз бен кіші Крис Юбенк келесі айда Манчестерде кездеседі, ал Каллум Смит пен Юрген Бремермен екінші жартылай финалда Нюрнбергте қолғап түйістіреді. Жеңімпаз мамыр айында арнайы Мұхамед Әлидің сыйлығымен марапатталады. Әрине, егер боксшылардың бірі жарақат алып, жоба созылып кетпесе. Головкин болса дәл осы уақытта "Канеломен" екінші кездесу өткізеді.

Головкиннің командасы жуық арада орта салмақта WBO белбеуінің иегері Сондреспен кездесу өткізуді қалап отырған жоқ сияқты. Билли Джо өзінің келесі кездесуін Мартин Мюррейге қарсы өткізіп, белбеуін қорғайды.

GGG спорт тарихында өз атын мәңгілікке қалдыру үшін екі салмақ дәрежесінде әлем чемпионы атануға ниетті. Өйткені, бокс тарихында қалған көп боксшылар бірнеше салмақ дәрежесінде әлем чемпионы атанған", - деп жазады автор өз мақаласында.

Әлеуметтік желілерде бөлісу