Геннадий Головкин АҚШ-қа оралып ұлымен ҰХЛ ойынын тамашалады

Геннадий Головкин. Сурет: ESPN

Орта салмақта WBC, WBA (Super), IBF және IBO тұжырымдары бойынша әлем чемпионы Геннадий Головкин (37-0-1, 34 КО) АҚШ-қа оралды, деп жазады Vesti.kz порталы.

Бүгін Головкин ұлы Вадиммен бірге Ұлттық хоккей лигасындағы 4:3 есебімен аяқталған "Лос-Анджелес Кингз" және "Нью-Йорк Рейнджерс" арасындағы кездесуді тамашалады. Ойын Астана уақытымен 22 қаңтар күні таңертең өтті.

Айта кетейік, қазіргі уақытта сегіз жастағы Вадим хоккеймен шұғылданды. Ал Головкиннің бапкері Абель Санчес болса Вадимнің хоккейдегі болашағы зор деген болатын. Сондай-ақ ол Головкиннің ол тоғыз жастағы балардың командасында ойнайтынын айтты.

Ұлттық хоккей лигасындағы бұл ойын Лос-Анджелес қаласында өтті. Бірақ Вадим Головкин "Рейнджерс" жанкүйерлік етті. Головкиндер хоккей көруге бірінші рет келіп отырған жоқ. 2016 жылы олар Нью-Йоркте өткен "Рейнджерс" командасының кездесуін тамашалаған болатын.

Лос-Анджелес Головкиннің жаттығу жасайтын Биг-Беар лагерінен 155 шақырымда орналасқан. Кейбір деректер бойынша, осы ойыннан кейін Головкин жаттығу лагеріне аттанады.

Қазіргі уақытта Головкин мен Альварестің командалары екінші жекпе-жек өткізу үшін келіссөздерді бастап кетті. Олар 2018 жылы 5 мамырда шаршы алаңда қайта кездесуі мүмкін.

Еске салайық, 2017 жылы 16 қыркүйекте Лас-Вегаста өткен жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Әлеуметтік желілерде бөлісу