Абель Санчес Головкиннің ұлының хоккейдегі болашағы туралы айтып берді

Головкиннің ұлы Вадиммен бірге. Сурет: fabwags.com

Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкиннің (37-0-1, 33 КО) бапкері Абель Санчес отандасымыздың ұлы Вадим спортқа епті екенін айтты.

Головкиннің сегіз жастағы ұлы Лос-Анджелестегі мектептердің бірінше хоккеймен шұғылданады. Сонымен қатар боксшының өткен жылы қыркүйекте дүниеге келген қызы да бар.

"Геннадийдің ұлы - өте мықты хоккейші. Оның жасы қазір сегізде. Мен оны соңғы рет көргенімде ол он жастағы командаға ойнаған еді. Ол өте жақсы спортшы. Әкесі секілді өте жеңіске құмар. Егер ол алдағы уақытта да хоккеймен шұылдана берсе, біз болашақта оны кәсіпқой лигалардың бірінде көріп қалуымыз мүмкін", - дейді Санчес Yahoo! Sports басылымына берген сұқбатында.

Бұған дейін қазақстандық боксшының промоутері Том Леффлер Головкиннің ұлымен қарым-қатынасын айтып берген еді. Оның айтуынша, Головкин ұлына спорт туралы және әділдік туралы көп кеңес бере алады екен.

Әлеуметтік желілерде бөлісу