Аргентина құрамасының баспасөз қызметі Лионель Мессидің ұлттық құрамадағы карьерасын аяқтау шешіміне пікір білдірді, деп хабарлайды Vesti.kz. 31 тамызда 39 жастағы шабуылшы Аргентина құрамасынан кететінін мәлімдеген болатын.
"Лео, саған мәңгі ризамыз. Біз сені ғұмырымыздың соңына дейін жақсы көріп өтеміз", - делінген Аргентина құрамасының әлеуметтік желідегі парақшасында.
Gracias eternas, Leo. Te vamos a amar hasta el final de nuestros días ??? pic.twitter.com/7VVV2doDZP
— ?? Selección Argentina ⭐⭐⭐ (@Argentina) August 31, 2026
Ұлттық құрама сапында өнер көрсеткен жылдары Месси 2022 жылы әлем чемпионы атанды. Сонымен қатар 2021 және 2024 жылдары Америка кубогын екі рет жеңіп алды. 2022 жылы Финалиссимада топ жарса, 2008 жылы Олимпиада чемпионы атанды.
Месси Аргентина құрамасы сапында 207 матч өткізіп, 125 гол соқты және 68 нәтижелі пас берді.
Жарнама