Қазақстандық Еркетаң Жарқынбек Черногорияның Будва қаласында өтіп жатқан бокстан U-19 әлем чемпионатының ширек финалына өтті, деп хабарлайды Vesti.kz.
90 келіге дейінгі салмақ дәрежесінде өткен 1/8 финалда ол мексикалық Рамиро Нуньесті 5:0 есебімен таза жеңді.
Айта кетейік, Қазақстан үшін жарыстың алтыншы күні сәтсіз басталды: Айсұлу Мұхит (65 келі) нидерландтық Зое Вогелстен жеңіліп қалды. Алайда Камила Оспанова (70 келі) хорватиялық Лорена Хорватты техникалық нокаутпен жеңіп, одан бұрынғы жеңілісі үшін қарымтасын қайтарды.