Елена Рыбакина "Ролан Гаррос" турнирінің екінші айналымына шықты

Қазақстанның бірінші нөмірлі теннисшісі Елена Рыбакина Францияда бүгін басталған "Ролан Гаррос" турнирінің екінші айналымына шықты, деп хабарлайды Vesti.kz тілшісі. 

Турнирдің бірінші айналымында Рыбакина француз қызы Эльза Жакмомен кездесті. 1 сағат 12 минутқа жалғасқан бұл кездесуде қазақстандық теннисші 2:0 (6:4, 6:1) есебімен жеңіске жетті. 

Енді Франция ашық чемпионатының екінші айналымында Елена Рыбакина жапониялық Ноа Хибино мен сербиялық Нино Стоянович арасындағы кездесудің жеңімпазымен кездеседі.