Үш қазақстандық балуан жол апатынан қайтыс болды

Еркін күреспен айналысатын үш қазақстандық балуан жол көлік апатынан қайтыс болды. Бұл туралы Қазақстан күрес федерациясының Instagram парақшасында жазылды. 

Оқиға 3 тамыз күні болған. Қолда бар мәлімет бойынша, апат Жамбыл облысында болған. Оқиға болған жерде Жақсыбек Қарабалаев пен Байбазар Жанбота қайтыс болған. 

Бүгін, 4 тамыз күні Ілияс Жұмай қайтыс болыпты. Ол Халықаралық дәрежедегі спорт шебері еді. Сондай-ақ, 23 жасқа дейінгі Қазақстан чемпионатының жеңімпазы. 

Ал Заутбек Нұрдәулет пен Шыңғысхан Мұхаметқалиев емханада, ауыр халде жатыр. 

Посмотреть эту публикацию в Instagram

Бұл қаралы хабар қабырғамызды кайыстырды... Бейбіт заманда жас, болашағынан үміт күттіретiн балуандарымыздан айырылып қаламыз деп кiм ойлаған... Еркiн күрес балуандары Жақсыбек Карабалаев, Iльяс Жұмай, Жанбота Байбазар жол апатынан қайтыс болды. Нақтырақ айтсақ, күнi кеше бір топ (бес бала) еркін күрес балуандары жол апатына түсiп, Жақсыбек Карабалаев пен Жанбота Байбазар оқиға үстінде көз жұмды. Ал ауыр халде ауруханаға түскен Ильяс Жұмай бүгін қайтыс болды деген тағы бiр суық хабар жетті. Ал Заутбек Нұрдәулет пен Мұхаметкалиев Шыңғысхан өмiрi үшін күресiп жатыр. Алла тағала оларға шипа, күш-қуат берсін. Дұғада болайық. Балуандарымыздың мезгілсiз дүниеден өтуiне байланысты еліміздiң барша күрес жанкүйерлерiне, марқұм болған балалардың отбасына, туған-туыстарына, жора-жолдастарына қайғырып көңіл айтамыз. Жандарыңыз жаннатта болсын!!!

Публикация от Kazakhstan_wrestling (@kazakhstan__wrestling) 3 Авг 2020 в 11:38 PDT