Қазақстандық дзюдошылар Ташкенте өткен әлем чемпионатында ең үздік 20 елдің қатарына енді, деп жазады Tengri Sport тілшісі.
Құрама сапында Елдос Сметов (60 келі) пен Әбиба Әбужақынова (48 келі) қола жүлдеге ілігіп, біздің команда жалпы есепте 18-орынға тұрақтады.
Жапония дзюдошылары бес алтын еншілесе, Бразилия мен Өзбекстан командаларының балуандары екі алтыннан алды.
1. Жапония – бес алтын, төрт күміс және үш қола медаль.
2. Бразилия – екі алтын, бір күміс және бір қола медаль
3. Өзбекстан – екі алтын медаль.
...18. Қазақстан – екі қола медаль.
Еске салайық, Сметов пен Әбужақыновадан басқа спортшыларымыздің бірде-біреуі ширек финалға шыға алмады. Сонымен қатар, жерлестеріміз командалық жарыста белдесулерін уақытынан ерте аяқтады.