Қазақстандық бұрымды балуан Элмира Сыздықова еркін күрестен Азия чемпионы атанды, деп хабарлайды Vesti.kz.
76 келідегі шешуші белдесуде ол қырғызстандық Айпери Медеткызынан басым түсті - 5:0.
Мұның алдында қазақстандық Марина Седнева (55 келі) және Елена Шалыгина (68 келі) қола жүлде жеңіп алғандарын айта кетейік.
Ал осыған дейін алтынды ерлер арасында Ибрагим Магомадов иеленген еді.
Күрес түрлері бойынша құрлықтық біріншілік Астанада өтіп жатыр. Жарыс 14 сәуірге дейін өтеді.