Қазақстандық дзюдошылар Еуропа кубогінің үш медалін жеңіп алды

Дзюдодан Қазақстанның жастар құрамасы Еуропа Кубогінде үш медаль жеңіп алды, деп хабарлайды Olympic.kz.

Еуропа Кубогі бұл жолы Испанияның Малага қаласында өтті. Қазақстандық жас дзюдошы қыздар бір алтын, бір күміс және бір қола медальды қанжығаларына байлады. 

Атап айтсақ, 63 келіге дейінгі салмақ дәрежесінде Есімгүл Куюлова сайыс жеңімпазы атанды. Ал 78 келіден жоғары салмақта Карина Такиева күміс жеңіп алса, Аида Тойшыбекова қола медаль иегері атанды. 

Қоса кетейік, додаға 29 елден жиналған 320 спортшы қатысты.