Қазақ балуан ӘЧ жүлдесін жеңіп алды

Еркін күрестен қазақстандық балуан Азамат Дәулетбеков Белградта (Сербия) өткен әлем чемпионатының қола жүлдегері атанды, деп хабарлайды Vesti.kz.

Дәулетбеков 86 келіге дейінгі салмақ дәрежесіндегі қола үшін белдесуде 10-0 есебімен жеңіске жетті.

Айта кетейік, Айдос Сұлтанғали Белградта грек-рим балуандары арасында 60 келіге дейінгі салмақ дәрежесінде әлем чемпионатының қола жүлдегері атанды, ал Жәмила Бақбергенова (76 келіге дейін) әйелдер күресінен күміс алған болатын.