Сербия астанасы Белградта күрес түрлерінен өтіп жатқан әлем чемпионатының күміс жүлдегері Жәмилә Бақбергенова финалдағы белдесуінен кейін ойын айтты, деп хабарлайды Vesti.kz тілшісі.
"Өз күресімді көрсете алмадым. Қателік жіберіп алдық. Жанкүйерлерден кешірім сұраймын", - деді Бақбергенова QAZSPORT телеарнасына берген сұхбатында.
Еске салайық, Жәмилә Бақбергенова финалда америкалық Амит Элорға 0:10 есебімен жеңілді.
Ол спорттық карьерасында Азия біріншілігінде екі рет алтыннан алқа тағынса, әлем чемпионатының күміс медалін екінші рет иеленді.