Дзюдодан Қазақстан құрамасы Өзбекстан астанасы Ташкентте өтетін әлем чемпионатында ел намысын қорғайтын спортшылар тізімін жария етті, деп хабарлайды Vesti.kz тілшісі. Турнир 6 және 12 қазан аралығында өтеді.
Қазақстандық спортшыларды ұлттық құрама көшбасшысы Елдос Сметов бастап барады. Сондай-ақ, екі жарым минутта Азия чемпионы атағына ие болған Данияр Шамшаев та бақ сынамақ.
IJF турниріне Қазақстан атынан баратын спортшылардың толық тізімі:
Ерлер:
60 келіге дейін: Елдос Сметов пен Мағжан Шамшадин;
66 келіге дейін: Ғұсман Қырғызбаев;
73 келіге дейін: Данияр Шамшаев;
81 келіге дейін: Абылайхан Жұбаназар;
90 келіге дейін: Дидар Хамза;
100 келіге дейін: Ислам Бозбаев пен Нұрлыхан Шархан;
100 келіден ауыр салмақта: Ерасыл Қажыбаев.
Әйелдер:
48 келіге дейін: Абиба Абужақынова;
52 келіге дейін: Гаухар Ирмағамбетова;
57 келіге дейін: Севара Нишанбаева;
63 келіге дейін: Мөлдір Нарынова мен Есмигуль Куюлова;
70 келіге дейін: Анастасия Маякова;
78 келіге дейін: Аруна Жангелдина;
78 келіден ауыр салмақта: Камила Берликаш.