Грек-рим стиліндегі грузиялық балуан Нугзари Цурцумия 27 жасында көз жұмды. Бұл туралы Грузияның күрес федерациясы хабарлап отыр.
Балуанның өлім себебі белгісіз. Primetime.ge мәліметінше, спортшының денесі Хоби қаласындағы үйінен табылды. Балуанның туыстары алдын ала себеп ретінде Нугзари өзіне қол салды деп отыр.
Sportball24.com ақпараты бойынша, жарты жылдың ішінде спортшы әкесі, ағасы мен анасынан айырылыпты.
Еске салайық, 2019 жылы Астанада Цурцумия Грузия құрамасына 12 жылда алғаш рет әлем чемпионатының алтынын жеңіп алған еді (55 келіде). Ол кезде грузиялық балуан финалда қазақстандық Қорлан Жақаншаны жыққан еді.