Болгария астанасы Софияда еркін күрестен 20 жасқа дейінгілер арасында өтіп жатқан әлем чемпионатында Мерей Базаров күміс жүлдегер атанды, деп хабарлайды Vesti.kz тілшісі.
57 келіге дейінгі салмақтың финалында 19 жастағы қазақ балуаны америкалық Йоре Рассел Волкқа ұпай саны бойынша есе (2:3) жіберді.
Отандасымыз финалға дейін украин Георгий Казанжиді (6:4), үндістандық Адишек Дакты (5:1) және грекиялық Андрос Пароцидистерден айласын асырғанын айта кеткен жөн.