18 жастағы Азия чемпионының өліміне күдікті ұсталды

©instagram/atyrauoil.official

Атырауда грэпплинг бойынша Азия чемпионы 18 жасар Есенбек Сигуатовтың өліміне қатысы бар күдікті ұсталды, - деп хабарлайды "Мой город".

Атырау облыстық Полиция департаменті баспасөз қызметінің мәліметінше, оқиға 9 тамызда жергілікті уақыт бойынша түнгі 03:10-да болған. Күдікті уақытша ұстау изоляторына қамалды. Қажетті сараптамалар тағайындалды.

"Осы дерекке қатысты ҚР Қылмыстық кодексінің 99-бабы ("Адам өлтіру") бойынша іс қозғалды", - делінген Атырау облыстық ПД хабарламасында.

Айта кетейік, 9 тамызға қараған түні қала маңындағы Дамбы және Құрманғазы ауылдарының тұрғындары арасында болған төбелестің салдарынан атыраулық танымал спортшы, грепплингтен Азия чемпионы Есенбек Сиғуатов қайтыс болғаны айтылды.

"Ол жүрек тұсынан жарақат алып, оқиға орнында қайтыс болды. Бір апта бұрын ол 18-ге толған еді. Атырау облыстық полиция департаменті осы іске қатысты ешқандай пікір білдірген жоқ. Кісі өлтірушінің ұсталған, не ұсталмағаны да белгісіз. Жергілікті тұрғындардың айтуынша, келесі күні Дамбы ауылында полицейлер рейд жүргізген",- делінген "АЖ" хабарламасында.

Әлеуметтік желілерде бөлісу