Қытай Олимпиададағы жүлделік есепте бірінші орынға шықты

Қытай құрамасы Бейжіңде өтіп жатқан 2022 жылғы Олимпиаданың жүлделік есебінде көш басына шықты, деп хабарлайды Vesti.kz.

Аспан асты еліне үшінші алтынды фристайлшы Эйлин Гу биг-эйр сынында жеңіп алды. Бұл жарыста екінші франциялық Тесс Леде, ал үшінші - швейцариялық Матильда Гремо болды.

Қазір Қытай қоржынында үш алтын және екі күміс бар. Кеше Швеция көш бастап келе жатқан Ресейдің алдына түскен болатын. Шведциялықтарда тек алтын жүлделер - үшеу. Қазір бұл ел екінші орынға түсті. Ал екі алтын, үш күміс және екі қола жинаған Ресей үшінші орында.