Қытай астанасындағы Ақ ойындарда шаңғымен 10 шақырымға классикалық әдіспен жарысудан әйелдер арасындағы сын аяқталды, деп хабарлайды Vesti.kz тілшісі.
Бұл сында ел намысын Валерия Тюленева, Ксения Шалыгина, Ангелина Шурыга және Надежда Степашкиналар қорғады.
Жарыс қорытындысы бойынша Ангелина Шурыга 52-ші, Ксения Шалыгина 53-ші, Надежда Степашкина 57-ші және Валерия Тюленева 59-шы орын алды.
Ал норвегиялық Тереза Йохауг алтыннан алқа тағынды. Финляндиядан келген Керту Нискассен күміспен күптелсе, қола медаль тағы бір суомиден келген спортшы Криста Пармакоскиге бұйырды.