Универсиада күнделігі: Қазақстан командалық есепте екінші орнын сақтап тұр

Алматы қаласында өтіп жатқан 28-ші Бүкіләлемдік қысқы Универсиада ойындарының бесінші күнгі барлық медальдар сарапқа салынды, - деп хабарлайды Vesti.kz.

Бүгін, 3 ақпан күні қазақстандық спортшылар екі алтынды қанжығалады. Қос жүлдені де фристайлшылар Юлия Галышева мен Дмитрий Рейхерд жеңіп алды. Айта кетейік, фристайшыларымыз бұл спорт түрінен екінші алтындарын иеленді.

Дәл қазіргі сәтте Қазақстан құрамасы 8 алтын, 2 күміс және 8 қола, жалпы алғанда 18 жүлдемен жарыс кестесінде екінші сатыда келеді. Көш басында 40 медаль (15+17+8) жеңіп алған Ресей спортшылары. Үздік үштікті, 16 жүлдемен (3+8+5) Жапон құрамасы түйіндеп тұр.