Хоккейші қыздарымыз Қытай құрамасына есе жіберіп қойды

Қазақстанның хоккейден әйелдер құрамасы Универсиада-2017-де Қытайдан жеңілді, - деп хабарлайды Vesti.kz.

Ойын бүгін, 30 қаңтарда Балуан Шолақ атындағы Спорт сарайында өтіп, 4:1 есебімен аяқталды. Жеңісті қытай қыздары тойлады.

Қазақстаннан жалғыз шайбаны ойынның 26-шы минутында Малика Алдабергенова салды.

Ал осыған дейін Қазақстан құрамасы Ұлыбританияны 11:0 есебімен жеңген еді. Алаң иелері енді топтың кезеңнің қорытынды кездесуінде Канадамен ойнайды. Бұл матч 1 ақпанда 20.00-де басталады.