Аралас жекпе-жекте өнер көрсететін қазақстандық спортшы Сергей Морозов (17-5) ислам дінін қабылдады, деп жазады Vesti.kz тілшісі.
Айта кетейік, Морозов UFC ұйымында екі кездесу өткізіп, біреуінде жеңіске жеткен, біреуінде жеңіліс тапқан. Ол енді келесі кездесуін 2022 жылы 12 ақпанда Хьюстон (АҚШ) қаласында болатын UFC 271 турнирінде өткізеді. Оның қарсыласы бразилиялық Дуглас Силва де Андраде (27-4-1). Бұл спортшы UFC-де тоғыз кездесу өткізіп, бес жекпе-жекте жеңіске жетсе, төрт айқаста жеңілді.