Екі салмақ дәрежесінде UFC чемпионы болған Генри Сехудо (16-5) жартылай орта салмақтағы келесі чемпиондық жекпе-жектің болжамды күнін атады, – деп хабарлайды Vesti.kz.
Оның айтуынша, жеңіл салмақтағы бұрынғы чемпион Ислам Махачев (27-1) жартылай орта салмақтағы жаңа чемпион Джек Делла Маддаленаға (18-2) қарсы осы күзде шайқасқа шығады.
"Біз бәріміз Махачев пен Маддалена, 20 қазанда жекпе-жек өткізетінін білеміз. Бұл қай жерде болатынын білмеймін. Бірақ Шавкат Рахмонов, Шон Брэди, Белал Мұхаммед пен Иэн Гэрри не істер екен?", – деді Сехудо Pound 4 Pound подкастында.
Еске сала кетейік, бұған дейін қазақстандық Шавкат Рахмонов (19-0) да осы жылдың соңына дейін чемпионмен жекпе-жек өткізуді жоспарлап отырғанын мәлімдеген болатын.
Жарнама