Қазақстандық боксшы Алуа Балқыбекова Жапонияда өтіп жатқан 2026 жылғы Азия ойындарында жартылай финалға өтті, деп хабарлайды Vesti.kz.
51 келіге дейінгі салмақтағы ширек финалда ол Жапония боксшысы Юна Нисинакамен кездесіп, 3:2 есебімен жеңіске жетті. Осылайша, қазақстандық боксшы жартылай финалға жолдама алып, кем дегенде қола жүлдеге кепілді түрде иеленіп отыр.
Айта кетейік, Алуа Балқыбекова - 2025 жылғы World Boxing және IBA нұсқалары бойынша әлем чемпионы, сондай-ақ Азияның екі дүркін чемпионы (2021, 2022).
Бүгін Қазақстан құрамасынан тағы мына боксшылар өнер көрсетеді:
09:45. 75 келі. Наталья Богданова - Азиза Зокирова (Өзбекстан);
10:00. 70 келі. Төрехан Сабырхан - Али Касим Хамдан Аль-Саррай (Ирак);
14:00. 55 келі. Махмұт Сабырхан - Джэён Син (Оңтүстік Корея);
15:00. 90 келі. Нұрбек Оралбай - Тұрабек Хабибуллаев (Өзбекстан).
Айти және Нагояда өтіп жатқан бокс жарыстары 21 қыркүйекте басталып, 2 қазанға дейін жалғасады.
Жарнама