"Вильярреал" Еуропа лигасы аясында өтетін кездесудің алдында Астанаға тыңшысын жіберген

Сурет "Вильярреал" клубының ресми сайтынан алынды.

Испаниялық "Вильярреал" клубының бапкерлері мен футболшылары елордамызға Еуропа лигасы аясында "Астана" клубына қарсы өтетін кездесуге қатысу үшін жолға шықты, деп хабарлайды Vesti.kz порталы.

Бірақ командадан бұрын елордамызға қарсыластарымыздың "тыңшысы" келген. Ол матч өтетін "Астана - Арена" стадионындағы көгалдың жағдайын тексеруге келген.

"Біз әлі Қазақстанға келген жоқпыз. Бірақ тыңшымызды жіберіп қойдық. Ол көгалды тексеріп жатыр", - деген жазба шықты "Вильярреал" клубының Твиттер парақшасында.

Айта кетейік, "Астана" мен "Вильярреал" арасындағы кездесу 23 қараша күні өтеді. Ойын Астана уақытымен 22:00-де басталады.

Қазіргі уақытта "Вильярреал" клубы сегіз ұпаймен А тобында көш басында келе жатса, "Астана" жеті ұпаймен екінші орында тұр. Ал "Славияның" еншісінде бес, "Маккабидің" қоржынында бір ұпай бар.

#UEL | ¡Aún no estamos en Kazajistán , pero ya hemos mandado una misión para explorar el terreno! pic.twitter.com/Q5OROcwC8C
— Villarreal CF (@VillarrealCF) 21 ноября 2017 г.

#UEL | Motores en marcha... Todos sentados... La tripulación preparada para el despegue... ¡Nos vemos en Astaná! #Endavant pic.twitter.com/pEyLz1FPpy
— Villarreal CF (@VillarrealCF) 21 ноября 2017 г.