auth.social_login
js.pozhaluista_podojdite js.ukazhite_email js.ukazhite_imya_ili_psevdonim js.ukazhite_parol js.dlya_registracii_na_saite_vy_doljny js.dlya_redaktir_profilya js.ukazhite_korrektny_email material_dobavlen_v_izbrannoe js.dobavit_v_izbrannoe js.ubrat_iz_izbrannogo js.paroli_ne_sovpadayut js.zadaite_parol_dlya_vhoda_na_sait js.horoshi_parol_doljen_soderjat js.spasibo_za_vash_golos js.dobavit_plus_1 js.ubrat_plus_1 js.vyberite_variant_otveta
js.mesto
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Русский Табло
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

"Қайрат" пен "Ертіс" Еуропа лигасынан шығып қалды

Бас бапкер қызметінен кетуі мүмкін.

"Қайрат" пен "Ертіс" Еуропа лигасынан шығып қалды
"Қайрат" футболшылары албаниялық "Скендербеу" клубынан жеңіліп, Еуропа лигасынан шығып қалды, - деп хабарлайды Vesti.kz.

Екінші іріктеу кезеңінің қарымта кездесуі Корче қаласында өтті, матч 2:0 есебімен аяқталды. Бірінші таймда "Қайрат" пен "Скендербеу" гол соға алмады. Бастапқыда алаң иелері басым болған, алайда қонақтар жағдайды теңестірсе де гол соғатын мүмкіндік болмады.

Екінші таймда "Скендербеу" жеңісті қолдан бермеді. 58-минутта соғылған шешуші голдың авторы албандардың жартылай қорғаушысы Сабиен Лиляй болды, ол тринидадтық қорғаушы Шелдон Батоның қателігін өз пайдасына асырды. "Қайрат" бір гол жіберіп алғаннан кейін белсенді болған, алаңға қорғаушы Елдос Ахметовты хорват хавбегі Иво Иличевич алмастырып шықты. 75-ші минутта Лиляй сары қағаз алып, алаңнан шығып қалды.

"Скендербеу" аз құрамда ойнаса да басымдықты бермеді, 75-ші минутта хавбек Бакари Нимаганың гол салатын мүмкіндігі болған, алайда "Қайрат" голкипері Стал Покатилов орнынан табылып, допты қақпаға жібермеді. Алайда бірер сәттен кейін қақпашы қателесіп, "Скендербеу" форварды Себино Пляку 83-ші минутта екінші голды салып кетті. Ал 86-шы минутта Арзо қарсыласына соққы жасап, қызыл қағазбен алаңнан қуылғаннан кейін "Қайраттың" мүмкіндігі түгесілді.

"Қайрат" пен "Скендербеудің" Алматыда өткен алғашқы матчы 1:1 есебімен аяқталған еді. Осылайша албан клубы 3:1 есебімен Еуропа лигасының үшінші іріктеу кезеңіне шықты, бұл кезеңде олар ирландиялық "Шемрок Роверс" командасын жеңген (3:2 сырт алаңда, 2:0 өз алаңында) Чехияның "Младо-Болеслав" клубымен ойнайды.

Айта кетейік, "Қайрат" осымен екінші маусымда Еуропа лигасының екінші іріктеу кезеңінен өте алмады. Өткен жылы алматылықтар екі кездесудің қортындысы бойынша Тель-Авивтің "Маккаби" командасынан жеңілген еді (1:1, 1:2). Ал мұның алдында "Қайраттың" бас бапкері Кахабер Цхададзенің Еуропа лигасынан шығып қалса, қызметінен кететіні хабарланған еді.

"Ертіс" футболшылары да сырт алаңда "Црвена Звездадан" жеңіліп, Еуропа лигасынан шығып қалды. Екінші іріктеу кезеңінің қарымта кездесуі Белградтағы Райко Митич атындағы стадионда өтіп, 2:0 есебімен аяқталды.

Осылайша Еуропа лигасында қазіргі уақытта бірде-бір қазақстандық клуб қалмады. Бұл турнирге Чемпиондар лигасының екінші іріктеу кезеңінде поляктың "Легия" командасымен матч өткізетін "Астана" командасы өтуі мүмкін.


Әлеуметтік желілерде бөлісу


Жаңалықтар