WTA рейтінгінде қазақстандық спортшылар орындарын сақтап қалды

Әйелдер теннис қауымдастығы (WTA) теннисшілердің жаңартылған рейтингісін жариялады, деп хабарлайды Vesti.kz тілшісі. Жаңа тізімде қазақстандық спортшылардың орны айтарлықтай өзгеріске ұшырамаған.

Рейтингтің көш басында аустралиялық Эшли Барти қалса, екінші сатыда беларусьтік Арина Соболенко, ал үздік үштікті испаниялық Гарбинье Мугуруса қорытындылап тұр. Қазақстандық теннисшілер Елена Рыбакина (14), Юлия Путинцева (42) және Зарина Дияс (103) орындарын сақтап қалды. 

Ал Анна Данилина үш саты құлдырап, 344-ші орынға жайғасса, Ярослава Шведова бір орынға төмендеп, 435-ші позицияда келеді.