Воскобоева да "Australia Open" додасының бірінші айналымында сүрінді

Қазақстандық теннисші Галина Воскобоева "Australia Open" турнирінің бірінші айналымынан аса алмады, деп хабарлайды Vesti.kz. 

Бірінші айналымда отандасымыз укранилық теннисші Элина Свитолинамен кездесіп, 0:6, 2:6 есебімен ұтылды. Осылайша ол жекелей сындағы сайысын аяқтады. Енді Воскобоева турнирдің жұптық сынында өнер көрсетеді. 

Айта кетейік, бұған дейін  "Australia Open" турнирінің бірінші айналымында Ярослава Шведова да сүрінген еді. Ол румын қызы Ирина-Камила Бегуден айласын асыра алмады. Енді бұл турнирдің қыздар арасындағы сайысында қазақстандық теннисшілерден тек Юлия Путинцева ғана қалды. Ол өз кездесуін ертең, Лара Арраубарренаға қарсы өткізеді.