4 және 5 наурызда теннситен Қазақстан құрамасы Дэвис кубогінің финалында ойнау құқы үшін Норвегиямен матчтар өткізеді. Қазақстанның қазіргі құрамындағы теннисшілердің ешбірі әзірге норвегиялықтарды ұтып көрген емес. Мұндай алты матч болған. Vesti.kz Ослодағы Oslo Tennisаrena алаңында өтетін осы текетірес туралы толығырақ баяндайды.
Юрий Щукин бастаған Қазақстан командасында Александр Бублик (ATP рейтингінде 30-орын), Михаил Кукушкин (166), Дмитрий Попко (178), Андрей Голубев (ATP жұптық рейтінгінде 34-орын) және Александр Недовесов (ATP жұптық рейтінгінде 63-орын) Норвегияға аттанады.
Қазақстан желтоқсанда жаңартылған рейтингте бір саты төмендеп, 13-орында тұр. Дэвис кубогінің әлемдік топтық кезеңінде қазақстандық теннисшілер алғаш рет 2011 жылы өнер көрсетіп, содан бері бес рет ширек финалға дейін жеткен.
2021 жылы ширек финалға жеткен командамызды әлемнің бірінші ракеткасы Новак Джокович бастаған Сербия құрамасы тоқтатты.
Норвегия
Норвегия құарамасы сапында рейтінгтің топ-10 тізіміне кіретін ойыншы бар. Ол 23 жастағы Каспер Рууд, ATP рейтингінде сегізінші келеді. Ол ATP турнирлерінде жеңіске жетіп көрген жалғыз норвегиялық, сондықтан, норвегиялық теннисшілер арасында рекордты рейтингке ие.
Норвегияның екінші ракеткасы - 24 жастағы Виктор Дурасович - ATP рейтингінде 326-орында. Сонымен қоса, құрама сапында 21 жастағы Лукас Хеллум Лилленген (ATP рейтингінде 1302-орында), 20 жастағы Герман Хойерал және 22 жастағы Симен Сунде Братхольм бар. Команда капитаны - Андерс Хасет.
Былтыр қарашада Oslo Tennisаrena алаңында Қазақстанмен ойнау құқы үшін норвегиялықтар Украина коимандасын 3:1 есебімен ұтты. Бұл текетіресте Норвегия командасында тек екі теннисші ойнағанын айта кету керек - Каспер Рууд пен Виктор Дурасович.
Норвегияның ең мықты көрсеткіші 1995 жылғы Әлемдік топтағы плей-офф кезеңге шығуы. Ал Дэвис кубогінде норвегиялықтар 1928 жылдан ойнап келеді.
Қазақстан vs Норвегия - 0:6
Бұл командалардың ұлттық құрама деңгейіндегі алғашқы кездесуі. Ал Қазақстан мен Норвегияның бірінші ракеткалары үшін төртінші ойыны болмақ. Статистика Бубликтің пайдасында емес - Рууд барлық үш матчте ұтқан: 2019 жылы Санкт-Петербургте (6:7(3), 6:4, 6:2), 2021 жылы Мадридте (7:5, 6:1) және Парижде (6:4, 6:0).
Каспермен екі рет Дмитрий Попко да ойнаған. Бұл Үлкен дуылға іріктеулерінде болды, 2017 жылы US Open жарысында қазақстандық 4:6, 0:6 есебімен, ал 2018 жылы Australian Open турнирінде - 5:7, 3:6 есебімен ұтылды.
Қазақстанның Дурасовичпен жадғыз ойыны 2020 жылы болды. Ол кезде Голубев Нұр-Сұлтандағы матчте норвегиялықтан 6:7 (3), 4:6 есебімен ұтылды.
Oslo Tennisarena
Бұл 2000 жылы ашылған теннис орталығы. Мұнда тоғыз теннис корты және паддл-тенниске арналған төрт корт бар, сонымен қоса, жаттығу залы да жайғасқан. Норвегияның теннис қауымдастығының кеңсесі де осында.
Қазақстан vs Норвегия матчтерінің кестесі
2 наурыз: Жеребе
4 наурыз: Басталуы Нұр-Сұлтан уақытымен 23:00
Бірінші жекелей матч
Екінші жекелей матч
5 наурыз: Басталуы 19:00
Жұптық матч
Үшінші жекелей матч матч
Төртінші жекелей матч
Ойындар Qazsport арнасында тікелей көрсетіледі.
Фото: ҚТФ. Андрей Ударцев (1,2,3,4,8,12,15), Reuters (5,13,14), instagram.com/tennisforbundet (6), Mutua Madrid Open (7), Vesti.kz (9,10,11), Davis Cup(16).