Скатов Швециядағы турнирді сәтті бастады

Қазақстандық теннисші Тимофей Скатов Бостад (Швеция) қаласында өтіп жатқан АТР 250 турнирін сәтті бастады.

Іріктеу кезеңінде Тимофей Скатов үндістандық Сумит Нагалмен өзара мықтыны анықтады.

Жерлесіміз матч барысында 8 брейк-пойнттың төртеуін сәтті пайдаланды. Нәтижесінде, 1 сағат 26 минутқа созылған бәсекеде Скатов 6:2, 6:4 есебімен жеңіске жетті.

Айта кетейік, Тимофей Скатов жарыстың негізгі бөліміне өту үшін италиялық Андреа Пеллегриномен кездеседі.