Серена Уильямс "Ролан Гаррос" турнирін жалғастырудан бас тартты

Әлемнің бұрынғы бірінші ракеткасы Серена Уильямс "Ролан Гаррос" турнирін жалғастырудан бас тартты. 

Турнирдің бірінші айналымында америкалық ару отандасы Кристи Аннмен кездесіп, 7:6, 6:0 есебімен жеңіске жеткен болатын. 

Екінші айналымда ол болгариялық Цветана Пиронковамен кездесуі керек еді. Бірақ ол турнирді ары қарай жалғастырудан бас тартты. 

Уильямстың турнирден шығып қалуына жарақаты себеп болған. Ол жарақатты US Open турнирінде алып қалған. Теннисшінің айтуынша, ол жарақатына байланысты тіпті дұрыс тұрып жүре алмай жатыр екен. Ал жарақатынан толық айығып шығу үшін 2 аптадан 4 аптаға дейін уақыт қажет.