Новак Джокович "Уимблдон" турнирінің жартылай финалына шықты, деп хабарлайды Vesti.kz тілшісі.
Сербиялық теннисші жарыстың ширек финалында италиялық Янник Синнерді 5:7, 2:6, 6:3, 6:2, 6:2 есебімен жеңді. Ойын 3 сағат 35 минутқа созылды.
Матч барысында Джокович сегіз эйс, алты брэйк-пойнт жасады.
Енді ол финалға берілетін жолдаманы ұлыбританиялық Кэмерон Норримен сарапқа салады.
"Үлкен Дулыға" турнирін 20 рет жеңген Новак Тұманды Альбиондағы дәстүрлі "Уимблдон" турнирінің кубогін 6 рет иеленген. Ол соңғы рет өткен жылы финалда италиялық Маттео Берретиниден басым түсті еді.