"Мұндай теннисшіден қалай айырылып қалдық?". Ресейлік БАҚ Қазақстанның бірінші ракеткасы жайлы

Спорт туралы ресейлік "Матч ТВ" арнасының жүргізушісі Софья Тартакова Қазақстанның бірінші ракеткасы Елена Рыбакинаның америкалық Серена Ульямсты ұтқанына қатысты пікір білдірді, деп хабарлайды Vesti.kz.

"Ролан Гаррос" турнирінің төртінші айналымында 1 сағат 20 минутқа созылған матч 6:3, 7:5 есебімен аяқталды. 1/4 финалда Рыбакина ресейлік Анастасиия Павлюченковаға қарсы ойнайды.

"Мұндай теннисшіден қалай ғана айырылдық?! 2018 жылы-ақ Лена үздіктер қатарына кіретіні белгілі еді ғой. Ленаның әкесі Андрей (НТВ плюс арнасының бұрынғы продюсері) Ресейдің теннис федерациясынан қызына көмектесуін сұраған. Бұл немен біткені бәріне белгілі - Рыбакина Қазақстан атынан ойнайды. Ал біз НТЦ-тегі корттарды әлі жөндеп жатырмыз", - деп жазыпты ол "Твиттерде".

КАААК мы могли потерять такую теннисистку?! Ещё в 2018 году стало понятно, Лена будет Топ. Папа Лены Андрей (экс-продюсер НТВ плюс) просил ФТР $ помочь дочке. Чем все закончилось, вы прекрасно знаете - Рыбакина выступает за Казахстан. А мы продолжаем «достраивать» корты на НТЦ ??‍♀️ https://t.co/z4a3VsTbP8

— Sofya Tartakova (@CentralCourt) June 6, 2021