Қазақстанның бірінші ракеткасы Александр Бублик Цинциннатидегі (АҚШ) "Мастерс" сериясының екінші айналымына шықты, деп хабарлайды Vesti.kz.
Бірінші айналымда ол жергілікті Марк Хиронды ұтты. Бублик бірінші сетте 3:6 есебімен ұтылды, алайда, кейінгі екеуінде басым түсті - 6:3, 7:6 (7:5). Бұл кездесу екі сағат сегіз минутқа созылды. Қазақстандық спортшы екі қосарлы қателікпен 21 эйс жасады және бес брейк-пойнттың екеуін жүзеге асыра алды.
АТР рейтингінде 38-орындағы Бубликтің келесі қарсыласы әлемнің 21-ші ракеткасы болгариялық Григор Димитров.