Әлемдік рейтингте 45-орында тұрған қазақстандық теннисші Юлия Путинцева Абу-Дабиде өтіп жатқан WTA 500 турнирін сәтті бастады, деп хабарлайды Vesti.kz.
Путинцева бірінші айналымда US Open-2019 чемпионы канадалық Бьянка Андреесканы 7:6(7:2), 6:2 есебімен ұтты. Матч 1 сағат 41 минутқа созылды.
Енді 9 ақпандағы екінші айналымда Путинцева әлемнің 14-ракеткасы бразилиялық Беатрис Хаддад Маямен ойнайды.