Алан Құрманғалиев Португалияның Вила-Нова-да-Гайя қаласында өткен үстел теннисінен халықаралық турнирдің жеңімпазы атанды, деп жазады Vesti.kz тілшісі Спортты дамыту дирекциясының сайтына сілтеме жасап.
Қазақстандық 15 жасқа дейінгі ойыншылар арасындағы финалда аустралиялық Адитья Саринді 3:2 есебімен жеңді.
Оған дейін Алан жартылай финалда румын Рашец Куэсдинді, ширек финалда тунистік Васим Эссидтен 3:2 есебімен басым түскен. Ал топтық кезеңде француз Натан Артур Пиларды ұтты (3:0).
Сондай-ақ, қарағандылық үстел теннисінің шебері 19 жасқа дейінгі спортшылар арасында да бақ сынаған. Бұл санатта ол ширек финалда жапониялық Реичи Есияманың мықты екенін мойындауға мәжбүр болды.