Қазақстандық тенисші "Үлкен дулыға" турнирінің үш дүркін жеңімпазын ұтты

Қазақстандық Александр Недовесов жұптық сында Испаниядағы Марбелья челленджер турнирінің жартылай финалына шықты. Бұл туралы ҚТФ баспасөз қызметі хабарлап отыр.
Недовесов пәкістандық Айсам Курешимен бірге ширек финалда испаниялық Пабло Андухар және швейцариялық, кезінде жекелей сында үш мәрте "Үлкен дулыға" жарысының жеңімпазы атанған Станислас Вавринкамен кездесті. Александр мен Айсам бірінші партияда қарсыластарын бет қаратпай ұтты - 6:1. Екінші сет тағдыры тай-брейкте шешіліп, қазақстандық-пәкістандық жұп жеңісті жұлып алды - 7:6 (7:1).

Жартылай финалда Недовесов пен Куреши чехиялық Роман Жебавы - аустриялық Филипп Освальд жұбымен күш сынасады.