Қазақстандық тенисші әлемнің үздік 40 ойыншысы қатарына енді

Қазақстандық Андрей Голубев Кәсіпқой теннисшілер қауымдастығының (АТР) жаңартылған рейтингісінде жұптық сында 39-орынға көтерілді, деп хабарлайды Vesti.kz ҚТФ баспасөз қызметіне сілтеме жасай отырып.

Голубев осылайша бірден 43 сатыға көтерілді және бұл оның мансабындағы ең үздік көрсеткіш. Бұған дейін оның үздік нәтижесі 2015 жылы наурызда тіркелген. Ол кезде қазақстандық спортшы 65-орында болатын.

Айта кетейік, өткен аптада Ролан Гаррос турнирінің ақтық сынына дейін жеткен Александр Бублик пен Андрей Голубев ATP-ның чемпиондық кестесінде 7-орынға шықты. Бұл – Қазақстан теннисі тарихындағы ең үздік көрсеткіш.