Лас-Вегаста (АҚШ) үстел теннисінен United States Smash атты ірі халықаралық турнир өтеді.
Бұл жарыста әлемдік деңгейдегі көптеген жұлдыз бақ сынамақ. Олардың қатарында әлемдік рейтингтің көшбасшылары бар: Линь Шидун (Қытай, №1), Ван Чуцинь (Қытай, №2), Уго Кальдерано (Бразилия, №3), Харимото Томокази (Жапония, №4), Лян Цзинкунь (Қытай, №5), Трулс Морегард (Швеция, №6), Феликс Лебрун (Франция, №7), Лин Юн-Джу (Тайбэй, №8), Дарко Йоргич (Словения, №9), Сян Пэн (Қытай, №10).
Қазақстандық Кирилл Герасименко турнирді іріктеу кезеңінен бастайды. Оның алғашқы қарсыласы – Бельгияның үш дүркін чемпионы Мартин Аллегро.
Айта кетейік, турнирдің жүлде қоры 1 550 000 АҚШ долларын құрайды.
Жарнама