Алматыда теннистен Roland Garros Junior Series by Renault Qualifications West and Central Asia 2025 іріктеу турнирі аяқталды.
Қыздар финалында екі қазақстандық теннисші кездесті. Адия Омарбек Еркежан Жанатаевадан 6:2, 6:4 есебімен басым түсті.
Ұлдар финалында қазақстандық Мансұр Саинов өзбекстандық Акмаль Абдуллаевты 5:7, 6:1, 6:4 есебімен жеңді.
Осылайша, Мансұр Саинов, Адия Омарбек, Еркежан Жанатаева және Акмаль Абдуллаев 2025 жылдың 13-19 қазаны аралығында Жапонияда өнер көрсетеді. Онда олар 2026 жылғы жасөспірімдер арасындағы Франция ашық чемпионатының негізгі жеребесіне берілетін wild card жолдамасын сарапқа салады.