Қазақстан құрамасы Федерация кубогында Тайланд құрамасын тізе бүктірді

Теннистен Қазақстанның қыздар құрамасы Астанада өтіп жатқан Федерация куобгының Азия және мұхит аймағы елдері арасындағы іріктеуде Тайланд құрамасынан үстем түсті, деп жазады Vesti.kz порталы. 

Бұл екі құрама арасындағы теке-тіресте бірінші болып кортқа Галина Воскобоева мен Нича Лертпитаксинчай шығып, отандасымыз қарсыласын 6:1, 6:1 есебімен жеңді. Одан кейін еліміздің бірінші ракеткасы Юлия Путинцева Луксико Кумхуммен кездесіп, 6:1, 6:3 жеңіске жетті. 

Осылайша Қазақстан құрамасының қыздары қарсыластарын уақытынан бұрын жеңіп, А тобында бірінші орын алды. Енді Федерация кубогының әлемдік кезеңіне шығу үшін біздің бұрымдылар В тобында топ жарған құрамамен сарапқа салады.