Жібек Құламбаева Нидерландтағы турнирдің ширек финалына жетті

Қазақстандық теннисші Жібек Құламбаева жұптық сында Амстелвенде (Нидерланд) өтіп жатқан ITF W35 турнирінің ширек финалына өтті.

Отандасымыз жұптық сайыста бельгиялық Полина Бахмуткинамен бірге өнер көрсетуде.

Ширек финалға шығу үшін өткен матчта қазақстандық-бельгиялық жұп Габриэла Вилар (АҚШ)/Вероника Фальковская (Польша) жұбын 6:3, 6:0 есебімен жеңді.

Айта кетейік, қазақстандық-бельгиялық жұп жартылай финалға шығу үшін нидерландтық Джой де Зееув/Антония Стояновпен таласады.