Елена Рыбакина "Уимблдонда" іріктелген мықты ойыншылар қатарына кірді

Уимблдон теннис турнирінің ұйымдастырушылары жеребе алдында іріктеліп алынған мықты ойыншылар тізімін жариялады, деп хабарлайды Vesti.kz.

Қазақстан спортшыларынан іріктеліп алынғандар қатарында Елена Рыбакина ғана – ол әйелдердің жекелей сынында 19-шы нөмірмен ойнайды.

"Уимблдон"-2021 жарысында бірінші іріктелгендер: ерлердің жекелей сынында – сербиялық Новак Джокович, ал әйелдерде - аутсралиялық Эшли Барти.

"Үлкен дуылға" турнирі үшінші маусымының негізгі кестесінің жеребесі бүгін, 24-маусымда өтеді. 

Рыбакинадан бөлек "Уимблдонда" Қазақстан атынан Юлия Путинцева мен Зарина Дияс, ерлерден Александр Бублик пен Михаил Кукушкин өнер көрсетеді. Ал Дмитрий Попко жарыс жолынан шығып қалды.