Қазақстандық теннисші Елена Рыбакина (WTA рейтингінде 2-орын) Madrid Open турниріндегі сәтті өнерін жалғастыруда, деп хабарлайды Vesti.kz.
Үшінші айналымда Рыбакина қытайлық Чжэн Циньвэньмен (36-орын) кездесіп, үш сет қорытындысы бойынша 4:6, 6:4, 6:3 есебімен жеңіске жетті.
Енді 1/8 финалда Елена Рыбакина Анастасия Потапова (56-орын) мен Елена Остапенко (40-орын) арасындағы матчтың жеңімпазымен кездеседі.
Айта кетейік, Рыбакина Madrid Open-2026 турнирін румыниялық Елена-Габриэла Русені (71-орын) жеңуден бастаған.
Биылғы турнирдің жүлде қоры 8 235 540 еуроны құрайды. Жекелей сында чемпион атанған теннисші 1 007 165 еуро сыйақы алып, 1000 рейтингтік ұпайға ие болады.
Жарнама